کنکری کے ذریعہ رکعات گننا ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال
۔۔۔۔۔۔۔۔
میری یادداشت بیحد خراب ہے.
مجھے بالکل بھی ایک نماز میں بھی یاد نہیں رہتا. یہاں مفتی صاحب نے کہا تھا کہ آپ 4 دانے رکھا کریں، وہ ایک رکعت کے بعد شمار کریں تو جب 4 پوری ہوں، آپ کی 4 رکعت ہوجائیں گی، تو کیا وہ میں کرسکتی ہوں؟
عائشہ خان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
نماز خواہ فرض ہو یا نفل، اس میں انگلیوں پہ آیت یا تسبیحات گننا باعث کراہت ہے۔ کیونکہ یہ نماز میں خشوع کے منافی عمل یے۔امام ابوحنیفہ رحمہ اللہ کا مذہب یہی ہے ۔كُرِهَ تَنْزِيهًا عَدُّ الْآيِ وَالسُّوَرِ وَالتَّسْبِيحِ بِالْيَدِ فِي الصَّلَاةِ مُطْلَقًا الدرالمختار 1\649
أما في صلاة التسبيح فلا ضرورة أيضا إلى العد باليد لأنه يحصل بغمز رءوس الأصابع ..مجمع الانهار في شرح ملتقي البحر 1\187)
لیکن حنفیہ میں صاحبین رحمہما اللہ کے یہاں اس کی گنجائش ملتی ہے۔ فخر الاسلام
الجامع الصغیر کی شرح میں مجبور لوگوں کے لئے صاحبین کے قول پہ عمل کی اجازت نقل فرمائے ہیں۔ لکھتے ہیں :
ويعمل بقولهما في المظطر 2/29.30 )
هكذا في الطحطاوي على المراقي صفحة 360 ط مكتبة شيخ الهند. ديوبند .
اعلاء السنن 139/5۔رقم الحدیث 1526 )
جب انگلی پہ گننا ناپسندیدہ قرار پایا ہے تو کنکریوں پہ تو اس عمل کی کراہت مزید سخت ہوجائے گی! تاہم سوال میں جس مجبوری کا تذکرہ ہے، اس کے پیش نظر حکم میں تخفیف ہوسکتی ہے۔ بالخصوص جبکہ اس مسئلہ میں ائمہ حنفیہ کا اختلاف بھی ہے۔ جیساکہ اوپر مذکور ہوا۔ بنابریں صورت مسئولہ میں اس درجہ ضعیف الحافظہ خاتوں کے لئے کنکری وغیرہ کے ذریعہ رکعات شمار کرلینے میں مضائقہ نہیں ہے۔
واللہ اعلم بالصواب
شکیل منصور القاسمی
