مقروض کو محبوس کرکے رکھنا ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم مفتی صاحب
ایک مسئلہ درپیش ہے اور وہ یہ ہیکہ ایک شخص ہے جس کو ہم نے بیس لاکھ روپے قرض دئے تھے، اب وہ پیسہ نہیں دے رہا تو اور اس کا کاروبار بھی ٹھپ پڑچکا ہے اور اس کا کوئی اولاد نہیں ہے. تو کیا اب اس سے زبردستی اسے ایک کمرہ میں نظربند کردیں تاکہ وہ پیسہ کسی طرح اداکردیں تو اب نماز کے لئے اسے مسجد میں جانے دیں تو ظاہر بات ہے کہ وہ بھاگ جائیگا…
اب پوچھنا یہ ہیکہ اسے نماز کے لئے مسجد میں جانے دیں یا کوئی اور حل ہے تو براہ کرم مفصل جواب سے نوازیں…
تقی الدین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
حقدار کو یہ حق ہے کہ قرض کی ادائی تک مقروض کے ساتھ چمٹ جائے۔۔ حبس ونظر بند کردینے کی تو اجازت نہیں ہے۔ لیکن نشست وبرخاست کے اوقات میں اس کے ساتھ ساتھ ریے۔ کھانے پینے، کمانے، مسجد جانے اہل وعیال سے ملنے کے علاوہ اوقات میں ساتھ ساتھ رہے تاآنکہ وہ دباؤ محسوس کرکے اس کا قرض ادا نہ کردے۔ شامی نے کتاب الحبس میں لزوم مدیون کے طریقہ کو بالتفصیل بیان کیا ہے۔
اس کی بنیاد یہ حدیث رسول ہے:
1 – أنه كان له مالٌ على عبدِاللهِ بنِ أبي حَدردٍ الأسلميِّ . فلقيه فلزِمه . فتكلما حتى ارتفعت أصواتُهما . فمرَّ بهما رسولُ اللهِ صلَّى اللهُ عليه وسلَّمَ . فقال : يا كعبُ ! فأشار بيدِه . كأنه يقول النِّصفَ. فأخذ نصفًا مما عليه . وترك نصفًا. .
الراوي: كعب بن مالك المحدث: مسلم – المصدر: صحيح مسلم – الصفحة أو الرقم: 1558
خلاصة حكم المحدث: صحيح
واللہ اعلم بالصواب
شکیل منصور القاسمی
