آپ صلی اللہ علیہ وسلم نے کتنی عیدیں اور کتنی بقرعیدیں کی ہیں؟

آپ صلی اللہ علیہ وسلم نے کتنی عیدیں اور کتنی بقرعیدیں کی ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال: محترم مفتی صاحب!
آپ صلی اللہ علیہ و سلم نے كتنى عيديں كى ہيں؟
عيدالفطر كتنى اور عيدالضحی كتنى؟
ایس اے ساگر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
علماء امت کا اجماع ہے کہ رمضان کے روزہ کی فرضیت ہجرت کے دوسرے سال شعبان کے مہینے میں  اس آیت کریمہ کے نزول کے بعد ہوئی : : (كتب عليكم الصيام كما كتب على الذين من قبلكم لعلكم تتقون). البقرة (183).
پھر آپ صلی اللہ علیہ وسلم نے ارشاد فرمایا:
8 حَدَّثَنَا عُبَيْدُ اللَّهِ بْنُ مُوسَى قَالَ أَخْبَرَنَا حَنْظَلَةُ بْنُ أَبِي سُفْيَانَ عَنْ عِكْرِمَةَ بْنِ خَالِدٍ عَنْ ابْنِ عُمَرَ رَضِيَ اللَّهُ عَنْهُمَا قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ بُنِيَ الْإِسْلَامُ عَلَى خَمْسٍ شَهَادَةِ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ وَإِقَامِ الصَّلَاةِ وَإِيتَاءِ الزَّكَاةِ وَالْحَجِّ وَصَوْمِ رَمَضَانَ
صحيح البخارى۔
آپ صلی اللہ علیہ وسلم کی وفات ربیع الاول سنہ 11 ہجری میں ہوئی۔ اس لحاظ سے آپ کل نو 9 مرتبہ رمضان کے روزے رکھے اور نو مرتبہ عید الفطر کی نماز ادا فرمائی۔
علامہ نووی “مہذب” کی شرح “المجموع” ٦\٢٥٠  میں تحریر فرماتے ہیں:
صام رسول الله صلى الله عليه وسلم رمضان تسع سنين. المجموع ٦\٢٥٠ .فتاوى إبن تيمية ٢٠\٢ .
یعنی آپ صلی اللہ علیہ وسلم نے مکمل نو سال رمضان کے روزے رکھے۔ (تو عید بھی نو ہوئی)
اسی طرح مسند احمد کی حدیث:
4935 حَدَّثَنَا يَحْيَى بْنُ زَكَرِيَّا حَدَّثَنَا حَجَّاجٌ عَنْ نَافِعٍ عَنِ ابْنِ عُمَرَ قَالَ أَقَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِالْمَدِينَةِ عَشْرَ سِنِينَ يُضَحِّي ۔
مسند أحمد بن حنبل
اور ترمذی شریف کی حدیث:
1507 حَدَّثَنَا أَحْمَدُ بْنُ مَنِيعٍ وَهَنَّادٌ قَالَا حَدَّثَنَا ابْنُ أَبِي زَائِدَةَ عَنْ حَجَّاجِ بْنِ أَرْطَاةَ عَنْ نَافِعٍ عَنْ ابْنِ عُمَرَ قَالَ أَقَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِالْمَدِينَةِ عَشْرَ سِنِينَ يُضَحِّي قَالَ أَبُو عِيسَى هَذَا حَدِيثٌ حَسَنٌ
سنن الترمذی
سے پتہ چلتا ہے کہ آپ صلی اللہ علیہ وسلم نے دس سال عید الاضحی کے موقر سے قربانی فرمائی۔ تو لامحالہ عید الاضحی کی نماز بھی دس مرتبہ ادا فرمائی۔
آپ ہر سال قربانی بھی فرماتے تھے۔ اس طرح آپ نے دس مرتبہ قربانی بھی فرمائی ہے۔ جبکہ بعض اہل علم کا خیال ہے کہ آپ نے جس سال حج ادا فرمایا اس میں “اضحیہ” نہ فرمایا۔ اس طرح وہ نو مرتبہ حضور کی قربانی کے قائل ہوئے۔
واللہ اعلم بالصواب
شکیل منصور القاسمی
٢\٦\١٤٣٩ هجری